嘆規劃思維停留 20 世紀 伍美琴：新界土地未善用，仲要硬推明日大嶼？

香港地少人多，細細個就聽過呢個名──這個都市傳說流傳之久遠，令近年縱有民間聲音積極破除迷思，仍持續成為發展覓地的擋箭牌，那怕明日大嶼人工島過千公頃填海工程多麼急就章且爭議聲四起，也被描繪成「為社會好」。

看在從事城市研究超過 30 年的城市規劃師伍美琴眼內，北部都會區一下子釋出 3 萬公頃土地，正好打破上述謊言，並印證佔香港土地面積超過 80% 的新界，才是更加值得說好的規劃故事。「新界有好多自然資源、文化底蘊，比起一個仲細過青衣島嘅人工島，（棕地）呢個方向值得做好多倍。」

棕地多贏 vs 人工島多輸

訪問當日，身兼中文大學城市研究課程主任的伍美琴教授落堂後風塵僕僕，全程依然笑容可掬，包括說到現時甲級寫字樓空置率高企之下，當局既揚言在人工島建設第三個核心商業區（CBD 3），又提倡將住宅、商業、零售共冶一爐的「垂直混合用途概念」規劃，「其實要特登劃一舊 CBD 出嚟，都係一啲 20 世紀嘅概念……呢個混合模式咪正正話畀我哋聽，唔使 CBD 啦？」

直到上周五聯同綠色和平、天文台前台長林超英、香港方略首席研究員及工程業界潘焯鴻發表《明日大嶼廿質問——民間專家意見書》，回答記者提問時不經意展現肉緊一面，「Come'on! 而家已經係 21 世紀，唔再係 20 世紀或者工業革命時代。全世界都講緊氣候危機、生態修復，而全面規劃、發展棕地正係大勢所趨，而我哋呢？就係反其道而行。」

氣在心頭，源自「恨鐵不成鋼」──特別是民間早已提倡自然住屋不對立，促請優先發展棕地。參照香港歷史，她有一套理論道出政府為何鍾情填海而迴避新界發展：始於殖民地政府不欲發展租借的新界，往後整個官僚架構逐漸對填海駕輕就熟，「啲魚仔同珊瑚又唔會抗議、抗爭」，招標後大可交託工程業界收科，勝過跟新界不同持份者周旋。

「但作為規劃師，係要迎難而上……如果我哋處理北部都會區棕土，可以恢復環境，又可以提供土地，對周邊市民都有好處，呢啲就係多贏方案。反而人工島無啦啦破壞海洋同生態環境，之後又要擺一班人入去，再長途跋涉返市區工作，咁係一個多輸情況。」

明日大嶼無助宜居

當香港房屋問題如此切身，「住大啲」的空中樓閣、「住好啲」的海市蜃樓，難免誘人。伍美琴選擇以數據說話──根據政府 2022 年統計，香港整體房屋單位遠超住戶數目，不論公屋（多 34,000 間）、居屋（多 25,000 間）、私樓（多 236,000間）均指向同一事實：住屋不患寡而患不均，「就算幾努力填海造地，如果唔解決分配不均問題，好難說服到市民相信起多啲就可以上到樓。」

將目光擴闊至宜居城市，左右幸福感的因素亦遠遠不只斗室面積：例如按交椅洲人工島現時規劃，預計提供最多 21 萬個單位、容納 50 至 55 萬人口，「密度相對香港市區高出 50% ，相比新市鎮仲高出 2.8 倍」。又例如不少大西北或山旮旯居民每日親歷其境、動輒來回兩小時返工返學的職住不平衡現象，未來恐由島民承受，「首批入伙嘅可能好似以前新市鎮咁，要做『開荒牛』。」

「如果用咁多錢去做一個比市區密度更高、咁唔宜居嘅人工島，用同樣資源真正解決現況，其實可以令我哋嘅城市更宜居？」

盼政府兼聽 決策要有理有據

除了刨數據、做研究，伍美琴也是一個說故事的人，從聚落尋找背山面水福地群居，漫談至城市化環境令人類遺忘天性，言談間流露出她對規劃這回事以人為本的自豪感。「工程師（技術上）乜嘢都做得到，唔代表佢哋做嘅嘢係好或者啱。因為規劃會講價值取向，同埋原則性嘅問題──係咪對環境友善、讓人住得舒服、有冇美感，唔係起咗舊嘢出嚟就算。」

憑理據拿捏人文、科學、自然、技術之間的平衡，她相信做政策、做規劃都是同樣道理，「大家如果有睇法嘅話都要出聲，真理係會愈辯愈明，我相信政府都會贊成佢哋做嘅嘢要有理有據。因為呢個人工島真係會用我哋好多資源，呢啲都係我哋香港人嘅資源。所以市民應該有機會知情同埋做呢個決定。希望政府可以提供多啲機會畀市民參加、發表意見，從而達到兼聽。」

綠色和平將社會各界對明日大嶼的疑慮，整合成生態及環境、氣候風險、財務及經濟、工程、規劃五大範疇，並製成意見書生成器。邀請您把握「交椅洲人工島公眾諮詢」3 月 31 日完結前生成意見書，表達您對明日大嶼的疑慮，促請政府虛心聆聽民意，以作出最符合公眾利益和有利香港發展的決定！

【專家拆解明日大嶼幻象】系列報導：
海平面上升水浸眼眉 林超英捍衛氣象專業有火
估算造價近 9,000 億 潘焯鴻打破工程界一片唱好聲