素媽媽Christine私房食譜：素食可以又靚又好味
早幾日是父親節，你有為爸爸準備美味大餐嗎？大餐其實不一定大魚大肉，綠色和平上周六舉辦「素媽媽Christine同你煮：父親節健康素食大餐」網上烹飪班，與約50人一起炮製「牛肝菌豆腐釀山根球」與「麻辣冬瓜封」兩道中式素食料理，工作人員異口同聲大讚好味！這位健康靚媽媽不忍女兒下一代面臨糧食與環境危機，茹素30年堅持鑽研食譜，相信地球也可「凍齡」，就如一道道素食佳餚，又靚又健康！
素食款式乏味？唔夠營養？冇啖好食？如何打破坊間各種刻板定型，Christine的答案只有一個：「我會叫你嚟我度食餐飯先，食完先講！」
30年前定居墨爾本，一次食飯眼見龍蝦刺身端上餐桌依然眼碌碌在郁動，當下頓覺心痛，「我係食緊一個生命」。Christine一個月後慢慢成為素食者，卻沒有一下子要求家人跟隨，而是「傾掂數」煮兩素一肉，一邊是雪藏肉食，一邊是她悉心鑽研的素食料理，味道此消彼長下，「慢慢佢哋就話唔使煮肉，因為覺得素食好amazing、好吸引。最初全素食嗰個月，每日煮3個素食都冇重複過，等佢哋自己感受味道之餘，身體變化亦唔會呃你。」
文章目錄
親歷澳洲山火 「一落機就聞到煙味」
澳洲既是她茹素的起點，亦是最初百變食譜的靈感來源，皆因素食文化早已成形，越南、韓國、馬來西亞菜也有正宗素食餐廳，環保意識亦遠高於香港，但那裡也有一本難唸的經。例如當地植物因極端熱浪提早生長，令朋友飽受花粉症折磨，Christine年初更親身經歷當時尚未受控的澳洲山火：「1月同囡囡去墨爾本，一落機就聞到煙味。幾百萬隻動物死亡，佢哋都驚到要走去民居；因為森林太熱，尤其西澳近沙漠嗰邊好乾，好易火燭，仲少落雨，所以生態問題係好嚴重。」
因此Christine在綠色和平「素食食譜明信片集」分享心得時，也寫道：「想到地球不足50年便會糧食短缺，下一代點算呢？」全球畜牧業的14.5%碳排比率與交通運輸業相若，龐大肉食需求助長非法破壞森林，以至加劇水源污染及氣候變化，她期望這一代人珍惜寶貴自然資源，留給下一代繼續享用：「人類諗唔到嚴重性，永遠到問題發生就去驚，地球已經畀咁多訊息我哋，點解唔聽呢？正如保持健康，平日要由飲食著手，唔係等到病咗先睇醫生，地球都一樣，預防勝於治療。」
素食風起了 香港人環保進步中！
2014年由女兒開設「素媽媽美麗日記」專頁，又開辦素食私房菜與網上廚藝班，Christine樂見近年香港素食風潮日盛，「同初初澳洲返嚟完全係兩回事，有好多選擇」，也多了從生活細節實踐環保，例如不少客人購買醬料時也會BYOB自攜容器，「出入熄燈、冇必要唔開冷氣，盡量用公共交通工具，多方面去減碳。外國分類扔垃圾已經好多年，香港係要進步，郁得慢都好過冇。」
身為「轉素」過來人，Christine推廣素食不會強迫一刀切，而是希望你我每星期一日、兩日、三日開始慢慢多菜少肉，救救地球。「環保、素食嘅趨勢應該一路會好，亦一定要！」
立即重溫素媽媽烹飪班，炮製美味素食料理！
https://www.facebook.com/greenpeacehk/videos/994122520990949
素媽媽烹飪班Q&A精華
Q：食素點樣可以做到營養均衡？
素媽媽：每一餐可以齊備各種顏色嘅食物，例如呢兩道菜式有豆腐、苜蓿芽、紅椒，另外再加碟菜或者加啲果仁……仲有紅菜頭、蕃茄含豐富茄紅素，同埋藜麥、五彩米等五穀。唔同顏色嘅食材係由自然賜予、土地種出嚟，已經足夠人類生存，唔需要擔心唔夠營養。
Q：小朋友唔鍾意食蔬果，可否用搾汁取代？
素媽媽：唔太建議搾汁，因為會破壞裡面嘅纖維，而且糖份太高。可以試吓切碎啲食材，例如我試過將囡囡唔鍾意食嘅牛油果放入飯糰、壽司，或者西蘭花整落酥皮卷，甚至炒飯、春卷、酥皮卷，收埋佢就肯食～
Q：素媽媽皮膚好好，平時點樣護膚？
素媽媽：素食已經係一個好好嘅護膚方法，食唔同顏色、營養嘅天然食材；當然人都要開朗，唔好成日愁眉苦臉。有人話食素會「乾噌噌」，其實唔好怕油，而係要食好嘅油。
明信片食譜結集 齊來素食救地球！
睇完網上烹飪班，如果有食譜可以慢慢跟住煮……綠色和平邀請多位素食達人及餐廳東主分享秘製食譜，結集出版「素食食譜明信片集」，當然不少得素媽媽Christine的「牛肝菌豆腐釀山根球」與「麻辣冬瓜封」。誠邀你以每日約$6，捐助支持綠色和平推動多菜少肉項目，守護森林同時對抗氣候危機，我們將送出這本明信片集以答謝您的支持！
綠色和平從不接受政府、企業捐助，以維持公正獨立，披露畜牧業破壞森林真相，包括最新調查指出巴西毀林肉有可能直送港人餐桌，此刻亦持續關注隨時捲土重來的亞馬遜大火，促請當局正視保護區毀林警報。另一邊廂，歐盟委員會（European Commission）及全球多個城市亦相繼回應綠色和平護林訴求，加強監管肉食製品來源，並在學校及公營機構推動多菜少肉，一同邁向「全球須於2050年或以前減少50%動物食品生產和消耗」的願景！