世紀暴雨後重建狗舍 守護500浪浪 流浪狗「媽媽」:風雨同路 今生無悔
此心安處是吾家,對於無所依靠的流浪動物,不論突如其來的暴雨、曠日持久的高溫,都是潛在致命的威脅。去年世紀暴雨期間,香港流浪狗之家創辦人 Angela 留守狗場與浪浪同歷劫,儘管因水浸損失慘重,仍決心汲取教訓、做足適應措施,希望給 500 隻浪浪一個遮風擋雨的家。
「幾困難都好,都會盡力幫啲狗狗,同佢哋風雨同路,因為我哋係佢哋唯一嘅朋友。」
「哈囉『Pizza』!呢隻係我嘅『Chicken』!」在流水嚮的香港流浪狗之家,每隻浪浪都有一個刻在 Angela 心底的名字,也有牠們各自的身世故事。見另外兩隻浪浪「肥婆基」與「Marco」精靈活潑,難以想像牠倆曾經因為極端天氣而徘徊鬼門關。
文章目錄
汲取世紀暴雨教訓 勤通渠、墊卡板
每次暴雨襲港,「新界多區水浸」幾乎成為例行公事,以至天文台也特設「新界北部水浸特別報告」向市民通報最新狀況。同樣情形,也在 2023 年 9 月 8 日的世紀暴雨時出現,Angela 更直言「係我幾十歲人未經歷過,亦都未見過咁嚴峻嘅環境」。
「突然間啲水全部沖曬入嚟,有一剎那個水位係上到我心口。」其實 Angela 當日已跟同事、義工提早準備,把體弱狗隻優先安置室內,並用沙包築起屏障,卻仍低估了洪水泛濫程度,唯有緊急疏散更多狗狗到較高的地方;而當時身型較矮小的「肥婆基」一直跟在身旁。「驚㗎,啲水浸得好快,佢就好搏命游番返去,同埋我捉住佢,最後嗱嗱聲擺番佢入屋。」
![2023 年「世紀暴雨」當日,湍急洪水湧進香港流浪狗之家,甚至沖起地磚,造成廣泛破壞,Angela 形容當時情況矚目驚心。 相片由受訪者提供](https://www.greenpeace.org/static/planet4-hongkong-stateless/2024/09/595c4cb8-83e4-49f1-a653-fe0d48e44ba1-1024x768.jpg)
經過徹夜無眠的掃水、清渠工作,Angela 當下放低心頭大石,回過神來才發現狗場滿地泥濘與雜物,電器全被浸壞,糧食、床單、毛巾亦被水沖去,心噏之餘也見證香港人間有情,在有心人踴躍捐贈物資下重建這個家,今年亦採取多項措施,務求提升防洪能力。
「而家一落大雨,我哋就會喺門口堆起三、四排沙包,同埋挖多咗兩條渠;我每個禮拜都會通兩次渠,確保佢唔會塞。另外再買咗好多卡板,墊起啲雪櫃、洗衣機、物資同糧食,做好一切預防措施。」
![Angela 汲取去年「世紀暴雨」教訓,在狗舍添置大量卡板以防不時之需,在洪水來臨前盡量墊起物資,減少損失。 © Greenpeace](https://www.greenpeace.org/static/planet4-hongkong-stateless/2024/09/b9824535-dsc06072-1024x683.jpg)
曾拯救中暑狗狗 40°C靠大風扇降溫
2024 年截至首八個月,你我慶幸香港尚未發生嚴重暴雨或水浸事故,但氣候危機仍潛藏另一「無聲殺手」:屢破高溫紀錄的酷熱天氣。Angela 形容炎夏期間,狗場的環境溫度可高達 40°C ,須出動多把強力風扇降溫,亦要在中午時份全場灑水,讓狗狗濕身消暑。
![防水法寶有卡板,防暑法寶則是這些強力風扇,為狗狗降溫度過酷熱天氣。 © Greenpeace](https://www.greenpeace.org/static/planet4-hongkong-stateless/2024/09/36dea5e0-dsc05974-1024x683.jpg)
「呢個就係以前中暑嗰個小朋友,而家好番啦!」Angela 一邊拍拍「Marco」的頭,一邊憶述幾年前人狗相遇的故事。原來她幾年前收到山友通知,在山上有狗隻中暑,便準備好救援物資出動。「當時佢已經行唔到、唞唔到氣,於是我哋抱佢落嚟,用濕毛巾鋪晒全身,再喺佢胳肋底、肚同頭夾啲冰,幫佢降溫。」面對氣候危機挑戰重重,她坦言唯有從經歷中學習。
![Angela 輕撫浪浪「Marco」的頭,娓娓道來牠逃出中暑鬼門關的故事。 © Greenpeace](https://www.greenpeace.org/static/planet4-hongkong-stateless/2024/09/e0fdbceb-dsc05945-1024x683.jpg)
「我會照顧佢哋終老」
由退休人士化身浪浪的「Angela 媽媽」,更於 2013 年成立香港流浪狗之家,源於她經常目睹瘦弱或患病的流浪狗聯群結隊奔往垃圾站覓食,慨嘆在文明社會「點解仲有啲咁嘅事情發生」。為了應付浪浪們龐大的醫療與糧食開支,她曾經賣樓籌錢,即使如今轉型為慈善機構,依然勞心勞力,就像今次訪問也是在她上、下午兩次帶狗外出覆診之間的空隙匆匆完成。
在狗場收容的逾 500 隻浪浪當中,不少都是體型較大的唐狗,要為牠們尋找好歸宿殊不簡單,但 Angela 的承諾鏗鏘有聲:「如果冇人領養嘅,我會照顧到佢哋終老。」
![香港流浪狗之家現時收容逾 500 隻浪浪,Angela 形容從經歷之中學習應對極端天氣,為牠們遮風擋雨。 © Greenpeace](https://www.greenpeace.org/static/planet4-hongkong-stateless/2024/09/d9246a3f-dsc05886-1024x683.jpg)
「見住佢哋嘅生命,就好似一支支就嚟熄滅嘅蠟燭重新燃亮,好開心咁喺狗場跑來跑去,我覺得都係值得。」當浪浪們不再面目模糊,而是我們的摯親、好友,義無反顧便顯得理所當然。
「你問我會唔會重新再選擇一次,我都係會再揀番呢條路,今生無悔。因為對我嚟講,佢哋已經唔係狗狗,係我嘅家人。」
![Angela 收容的 500 隻狗狗,每隻都有牠獨一無二的名字,「照顧浪浪,係我對佢哋一生一世嘅承諾嚟嘅;係好辛苦,面對好多困難、好多唔開心嘅嘢,但我都唔會動搖」。 © Greenpeace](https://www.greenpeace.org/static/planet4-hongkong-stateless/2024/09/ed58824e-dsc05842-1024x683.jpg)